كيفاش نعرف إلي البزنس متاعي أمورو 5/5 ؟

باش تقيس مستوى تقدم أي بزنس خاصة في مجال التجارة الالكترونية يلزمك تخدم ب3 مؤشرات رئيسية و إلي هي :

- الROAS - Returns On Advertising Spends و الي على طريقها تعرف قداش تجيب فلوس من كل دينار تصرفو في الإشهارات، و كان ترجع للمقالات الي فاتت توا تلقى تفسير كامل لطريقة حساب المؤشر هذا.

- الAOV - Average Order Value و الي تعني قداش يدفعلك الكليون في الcommande و لهنا يلزم تحسب الPanier moyenne و قد ما يزيد المؤشر هذا قد ما تكون ارباحك اكثر.

باش تزيد في الAOV يلزمك تخدم برشا تكتيكات و الي ضمنها الخدمة بالمنتجات التكميلية Cross selling يعني كيف واحد يشري من عندك مثلا غسالة يلزمك توفرو مواد التنظيف الي تتماشى مع الغسالة هاكي و تكمل توفرو خيار ضمان تكميلي Extension de Garantie و تعملو تخفيض باش يشريهم الثلاثة !

- الCLTV - Customer Lifetime Value و الي تتمثل في انو الي يشري من عندك مرة يلزمو يشري برشا مرات و الي نسموها في لغة التسويق بالRetention.

باهي كيفاش تعمل باش تزيد في CLTV ؟

يلزمك قبل كل شيئ يكون عندك منتج باهي و يعجب الناس و ثانيا يلزمك تخدم على التطوير - اي تطوير المنتجات الموجودة الى منتجات افضل و الي تتسمى بالUpgrade و الا بإعتماد نظام الاشتراكات Membership و ثالثا يلزمك تعتمد على استراتجيات التواصل بالايميل، الشبكات الإجتماعية، اللقاءات، الretargeting و زادا ياستقصاء آراء الحرفاء بصفة مستمرة باش تعرف آش يحبو .