علاش يلزمك تتعلم التسويق ؟

ثما سؤال ديما يوصلني و إلي هو : آش نجم نعمل بحاجة إسمها تسويق؟

بكل بساطة عندك برشا خيارات من ضمنهم أنك تنجم تخدم في مجال :

- الأفيلييت مركتنغ Affiliate marketing ، يعني تعمل تسويق لمنتجات انت ما تملكهمش و هذا يتم على طريق فيديوهات يوتيوب و مقالات و صفحات من نوع landing page تخص منتجات و خدمات مطلوبة برشا في السوق و ما فيهمش منافسة و المجال ساهل و يجيب نتائج فعلية لكل شخص يصبر و يتعلم.

- تبيع منتجاتك الخاصة بالجملة أو بالتقسيط، و مصادر الترافيك (مصادر الناس الي يشوفو المنتج) تنجم تجيبهم بالSEO و الا بالاعلانات المدفوعة.

- تنجم تخدم في مجال الCPA، و تربح فلوس على كل شخص يعمر Formulaire و الا يعمل téléchargement او اي Action.

- تنجم تعمل تسويق لخبراتك، مثلا كان عندك مهارة و موهبة مميزة و ما هيش متوفرة عند غيرك تنجم تبيعها في شكل فيديوهات و الا كورسات، تنجم تبيع كورس يعلم الناس كيفاش يربحو و الا يخسرو وزن، و الا كيفاش يتعلمو رياضة دفاعية و الا زادا كيفاش حتى يربحو في Planet بإستعمال بعض قواعد ال Probabilité !

- يمكنلك زادا تخدم كFreelancer و الا تحل Web agency و توفر حلول التسويق للناس ابتداءا بما يسمى في تونس ب " Sponsoring" و صولا الى خدمات المواقع و الSEO..

و ما تنساش الي الناس الي عندهم معرفة بالتسويق و الا بالمبيعات و عندهم ثيقة كبيرة في رواحهم هما الي تلوج عليهم الشركات و يحبو ينتدبوهم.

يعني إخدم قبل كل شيئ على تطوير ذاتك Mindset و تطوير معلوماتك connaissances و من بعد أقوى الأفكار المربحة تجي بطبيعتها..