أهم 7 حاجات يلزمك تعرفهم و تطبقهم قبل ما تبدا أي بيزنس..

7 حاجات يلزمك تعرفهم و تطبقهم قبل ما تبدا أي بيزنس..

1- يلزم تدرس المنافسين : فكرة أنك تبدا و أكاهو ما عندها وين توصل، يلزمك تعرف شكونهم منافسينك في السوق، فاش يبيعو، شنيا الشبكات الإجتماعية الي يستعملو فيها، قداش عندهم من متابع، قداش من مرة يعملو publication على الفيسبوك، منين مصادر الترافيك متعهم، يعملو promotions و الا لا... معناها يلزمك Étude concurencielle و من بعد كيف تبدا تخدم تعمل Système de veille concurencielle.

2- يلزمك تعمل Une stratégie de pré-lancement : ما تستناش لين تحل و الا تجيب الproduit الجديد باش ساعتها تبدا تلوج على الكليونات، يلزمك تعمل مخطط يسموه مخطط ما قبل الإطلاق Plan de pré-lancement و الموضوع هذا حكيت عليه في المقالات إلي فاتت.

3- يلزمك تعمل ما يسمى بعمليات إستقصاء Sondage ، معناها تسأل كليونات و إلا المهتمين بمنتجاتك أسئلة تخص مستوى وعيهم بأهمية منتجاتك، مشاكلهم، كيفاش ينجمو يشرو من عندك، هل أنهم يتأثرو بالأسوام و إلا بالجودة Sensibilité qualité/prix.

4- تعرف أكثر على إدارة الCash-flow : وقت إلي ينجح المنتج متعك و تبدا الفلوس، أول حاجة هي أنك تخصص جزء من الأرباح لميزانية التسويق و أنك زادا تخمم أنك تعمل موارد ثانوية و تضمن أكثر cash-flow.

5- تخدم على تطوير و مراقبة العلامة التجارية متعك : الناس تتذكرك بإسم تجاري و الا بlogo و إلا بأي حاجة عندها علاقة بالbrand متعك، على هذاكا حاول أنك ديما تعمل مراقبة لأي حاجة تتقال عليك و هذا يتسمى veille de la marque.

6- تعمل نظام شراكة Joint-venture : كيف يبدا عندك منتج ناجح، أكيد باش يكلموك وسطاء و إلا ناس تحب تزيد إضافة للمنتج متعك ، حاول أنك توضح من الأول إستراتجية متكاملة خاصة بالوسطاء و بالناس الي تجيبلك كليونات و ما تقعدش منغلق و تحب تخدم واحدك.

7- يلزم البزنس متعك يمكنك من أنك تطور على جميع المستويات : البزنس إلي يجيبلك إضافة في حياتك هو business يزيدلك في علاقاتك و في صحتك النفسية و الجسدية، و ماهوش كان الفلوس برك، و التطور هذا يلزمو زادا يكون متزامن مع تطور معلوماتك و مهارتك.