آش معناها SEO ؟

في إطار تبسيط المعلومة : موضوع SEO - و الي يتمثل في جميع التقنيات الي تأثر على ترتيب المواقع في Google راهو يتكون من 6 أقسام رئيسية و إلي هي :

1- محتوى الموقع Contenu : و الي يضم الفيديوهات، المقالات، التصاور، الروابط الداخلية، الكلمات المفاتيح mots clés ، و الFrequence des mises à jours..

2- سمعة الموقع Crédibilité : و الي تتمثل في DA- Domain Authority - بعبارة أوضح Wikipedia و إلا Quora عندهم اعلى DA.

و سمعة اي موقع تتأثر كانك كل مرة تبدل في niche و إلا في الThematique و الا انك كل مرة تبدل في les mots clés ، les malwares حتى اسامي الناس و الا الشركات الي يملكو الموقع كيف يتبدلو يتأثر معاها الترتيب.

3- الروبط الخارجية Backlinks : في SEO قد ما يكثرو الروابط الي يوصلو لموقعك و الي يكونو High authority قد ما Google يزيدلك نقاط في الترتيب و تولي تزيد تظهر في الصفحة الاولى.

4- سهولة الدخول الى الموقع : قد ما يكون موقعك مرزن بles plugins و الا معبي بتصاور و محتوى ثقيل قد مايزيد وقت التحميل Temps de téléchargement و الي يزيد معاه Taux de rebond.

كيف كيف.. كان الموقع متعك مهوش responsive يعني ما يتقراش على تليفونك قد ما الترتيب متعك في Google ينقص.

5- تجربة المستخدم UX : و الي تتقاس ببرشا مؤشرات كيف الوقت الي يعديه الزائر في الموقع، عدد الصفحات الي يزورهم، و قداش من مرة يزور موقعك Retention..

6- كيفاش يشوفوك الناس على الشبكات الاجتماعية : قد ما ثما صفحات و بروفيلات على جميع الشبكات توصل مباشرة لموقعك قد ما ترتيبك يزيد، و قد ما يزيد البرتاج و retweet قد ما يزيد الRanking متعك.

هذا هو بإختصار تعريف الReferencement.. و بالنسبة للجزئيات التقنية توا كل مرة نفسروها في مقال..

و للحديث بقية..

و ما تنساش تبرتاجي كان تشوف الي المقال مفيد..