4 حاجات مهمة يلزمك تعرفهم بخصوص الحملات الإعلانية على الفيسبوك :

4 حاجات مهمة يلزمك تعرفهم بخصوص الحملات الإعلانية على الفيسبوك :

1- درجة وعي الشخص الي باش تستهدفو : هل هو مهتم بالمنتج متعك و الا لا، و هنا نحكي على إختيار الaudience.

2- كيفية تقديم الإعلانات حسب تدرج المهتمين : مثال : وقت الي يبدا عندك منتج جديد و الا علامة تجارية ماهيش معروفة، بالطبيعة باش تخدم حملات تركز على حملات الnotorieté و من بعد تحكي على conversion يعني الحملات الي تجيب الفلوس.

3- ال Répitition : في الحملات الي تعرف بالمنتوج، ال Répitition و الي هيا عدد المرات الي يظهر فيها الإعلان لنفس الشخص خلال مدة الحملة الاعلانية مهمة باش الناس تتذكرك و تنقص المقاومة متعها، لكن في حملات ال interaction و الconversion يلزم Frequence de répétition تكون ما بين 1 و 2 ، يعني نفس الإعلان يظهر لنفس الشخص مرة و الا مرتين خلال مدة الحملة.

و تذكر مليح الي في علم النفس ثما قاعدة تقول : وقت الي تخلي شخص و الا منتج (حتى و لو منبوذ) يظهر للناس برشا مرات ثما امكنية كبيرة انو الناس تحبو !

توا نحكي على الموضوع هذا بكل التفاصيل و المراجع في المقال الجاي.

4- كمية المعلومات : أي شخص ما يوصل يقدم على أي حاجة الا ما يكون ملم بالمعلومات الي تخص المنتج، و المعلومات هاذم يلزمك تقدمهملك في شكل وصف لمنافع المنتج، و استعمالاتو و آراء الناس و الضمانات، و قد ما تطول مدة قرار الشراء - و الي يتسمى Cycle de vente ، قد ما انت تستغل المدة هاكي و توفرلو ديما معلومات و تكون معاه على تواصل.. و هذا تقنيا يتسمى le nurturing ..

الموضوع هذا تنجم تفهمو بجميع تفاصيلو التطبيقية كانك membre من قروب Marketing via Facebook و إلي مخصص 100% كان للتكوين en ligne .