10 نصائح مهمة لزيادة نسبة التفاعل في المنشورات إلي ماهمش Sponsorisé

المنشورات إلي ماهمش sponsorisé ، يعني المنشورات إلي تهبطهم على الفيسبوك ما نغير ما تصرف عليهم، طريقة تفاعل الجمهور معاهم مختلفة و تطلب منك انك تلتزم بمجموعة من القواعد و الي يزيدو في engagement organique.

من ضمن القواعد هاذم يلزمك :

1- ما تعملش منشورات فيهم رابط خارجي Lien يهز لتصويرة و الا أي حكاية موجودة على موقع منافس كيف : اليوتيوب، twitter, LinkedIn.. على خاطر الporté باش تكون محدودة برشا و ما تجيبلكش نتائج.

2- تستعمل التصاور و إلا الفيديوهات على خاطر يزيدو في taux d'engagement.

3- تستعمل الemoji لكن من غير إفراط.

4- كيف يبدا عندك فيديو ما تعملش برتاج directement من اليوتيوب ، خوذ وقتك في أنك تعملو téléchargement و من بعد نزلو على الفيسبوك، و هذا يتسمى video native و توا وحدك تلاحظ الفرق في الengagement و الporté .

5- ما تهبطش اكثر من 5 منشورات في اليوم، و حسب الدراسات كيف تفوت 5 منشورات التفاعل ينقص و زيد تقلق المتابعين متعك.

6- تنجم تعمل أكثر من تصويرة في منشور واحد و هذا بطبيعتو يزيد في CTR ( Clic thought Rate)

7 - ما تجاوبش على كومنتورات كاينك robot معناها كل واحد يسهل على حاجة و الا عندو مشكل، ما تخصر عليه كان اجابة copier/coller ، هذا عندو تأثير على porté organique.

8- زايد انك تبرتاجي lien لصفحتك الجديدة و الا لgroupe حتى و لو متعك.. Déjà احنا جربناها و الاستنتاج الوحيد انو الpartage sur les pages انتهى !

9- ما تحطش الlien في الpublication الي باش تهبطها، و من الأفضل تذكر المتابعين انو الرابط موجود في اول تعليق..

10- ما تعملش Sponsoring مباشرة لأي منشور، خليه ياخو وقتو و خلي الناس تتفاعل و من بعد فكر في الاعلانات المدفوعة، و الطريقة هاذي تعاونك في تقليل كلفة الاعلانات و زادا تخليك تعرف الاعلانات الناجحة و الفاشلة مسبقا.

معناها الsponsoring يتم على الاعلانات الي فيها تفاعل.

و مع هذا لكل يبقى التفاعل على الفيسبوك مرتبط بعدة عوامل من ضمنها لغة المنشور و الsecteur الي تخدم عليه، كيف انو الengagement يزيد في صفحات الاخبار و الشخصيات السياسية و الصفحات الي تهتم بالصحة و التجميل.. و هذا باش نزيدو نفسروه في المقالات الجاية